Mier (stoel)

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Die Mierstoel (Deens: Myren) is 'n moderne, twintigste eeuse stoel, waarvan die ontwerp as klassiek en tydloos beskou word.^[1] Die stoel is in 1952 deur Arne Jacobsen, vir gebruik deur die Deense farmaseutiese firma Novo Nordisk se kantien, ontwerp. Die Mierstoel het sy naam gekry op grond van die ooreenkoms wat die stoel toon met 'n mier, met sy kop opgelig.^[2][3][4]

Die stoel is ontwerp om lig en stabiel te wees. Die stoele stapel maklik opmekaar, en bied praktiese, gemaklike spasie vir die gebruiker se voete. Die oorspronklike model het drie plastiekpote en 'n sitplek van gevormde gelamineerde fineer gehad; Novo het net 300 daarvan bestel. Dit is deur Fritz Hansen vervaardig. Die stoel het sedertdien baie gewild geword. Die plastiekpote is egter mettertyd met buisvormige staal vervang. 'n Weergawe met vier stoelpote, in plaas van die oorspronklike drie stoelpote, is ook intussen gemaak.^[5][6]

1. ↑ danish Design store
2. ↑ "Arne Jacobsen.com" (in Engels). Geargiveer vanaf die oorspronklike op 9 Desember 2016. Besoek op 7 November 2015.
3. ↑ Sfmoma
4. ↑ Cn Bing Dictionary
5. ↑ "Urban Kaleidoscope". Geargiveer vanaf die oorspronklike op 11 September 2019. Besoek op 7 Februarie 2020.
6. ↑ "Chair classic.com". Geargiveer vanaf die oorspronklike op 31 Julie 2015. Besoek op 7 Februarie 2020.